LE CADÉNE DÈL FÖCH

La setemànå sàntå al nòs paés

nòter s.cècc le cadéne dèl camì

töte ströte dal föch che ghéra ampés,

le sgüràem per tiràgå vià 'l calì.

Alùra le tacàem dedré a le ghéde,

le tiràem en campàgnå pèr stradèle,

an pè nücc, an mès a pòlver e préde,

pèr fàle deentà pö nöe e pö bèle.

Al fòs dè la Madónå dè la Càå

ma fermàem a netàle cói quadrèi

pèr püdì meretà i tré o quàter ghèi

ché parèncc, nóni e vizì i ma dàa

quànd ga portàem le cadéne d'arzènt

löstre dè fà restà cerìt la zènt.

Lorenzo Tartini